Skeið í ullavirking á Spinnarínum í Klaksvík

Lær teg aldargamlan sið at viðgera og spinna frálíku føroysku ullina.13. og 14. februar 2026 hevur tú møguleikan at læra teg at spinna og kemba júst sum okkara forfedrar hava gjørt. Skeiðið er fyri vand sum óvand.Vit arbeiða við føroyskari ull, og tú lærir at nappa, kemba og at spinna á handsnældu – við ella uttan hondrokk.Dagarnir byrja við einum stuttum uppleggi og síðani fara vit beint til tað praktiska arbeiði.Ætlan:Fríggjakvøldið 13. februar 2026 kl 16-19: Vit nappa og kemba vaskaða ullina.Leygardagin 14. februar 2026 kl 10-19: Vit seta í hondrokkin og spinna á handsnældu.​
Undirvísarar á skeiðnum eru Turid Olsen og Durita Dahl Djurhuus, sum hava fingist nógv við at spinna føroyska ull. Málið er føroyskt (danskt/enskt eftir tørvi).

Skeiðið verður hildið á Spinnarínum í Klaksvík. Við í prísinum er tilfar og atgongd til amboð, ið verða nýtt á skeiðinum. Um tú eigur eina snældu, er tú vælkomin at taka hana við og venja teg við henni. Vit bjóða mat og drekka bæði fríggjakvøld og leygardag.Kostnaður kr. 1.275,00